2025實測狗狗皮膚保健品 – 評測6款熱門皮膚. 毛髮營養保健品

每3隻狗狗就有1隻會遇到異位性皮膚炎問題，機率非常高！
有時見狗狗𢯎痕以為無咩野，點知轉過頭就已經𢯎到甩毛，嚴重起嚟甚至仲會出血。

尤其係香港天氣成日又濕又焗，人都容易皮膚出問題，更唔好話皮膚比我地薄好多嘅狗狗。
狗狗嘅皮膚同毛髮會敏感好多，面對不穩嘅氣候、換季、環境飲食改變、心理壓力等，
都有機會引至狗狗抓癢、甩毛、皮膚紅腫發炎等問題。

之前我屋企嘅博美就試過過敏𢯎痕𢯎到最後禿一塊，睇完醫生諗住已經好返，
點知無幾耐同一個地方又紅返，見佢成日唔舒服到無晒心情咁，做主人嘅都好心痛。
雖然睇醫生有效，但太頻繁我都驚佢會有抗藥性，每次去診所佢又會好驚青，而且可以嘅話亦唔想屋企狗狗成日接觸到西藥。
所以後嚟我就試下睇下有冇啲咩保健品可以幫到佢改善體質，研究左陣先發現原來狗狗嘅皮膚毛髮保健都可以好講究。

整理咗啲狗狗容易遇到嘅皮膚同毛髮問題，唔同情況有唔同嘅對應情況，
之後我仲比屋企狗狗試過幾款皮毛保健，希望我嘅經驗可以幫到其他狗爸媽們。

4個常見狗狗皮膚毛髮問題同對應方法

狗狗嘅皮膚好壞同毛髮生長情況息息相關，如果皮膚缺乏某啲必需營養，
毛量同毛髮光澤度都會減少，因此推薦狗爸媽要根據狗狗身體狀況，選擇相對應嘅保健營養。

狗狗皮膚容易紅腫、乾燥痕癢，需要補魚膠原蛋白

膠原蛋白係有助皮膚保水、維持彈性嘅重要成分，曾有唔少研究發現膠原蛋白亦有助皮膚傷口癒合。

所以比狗狗補充含膠原蛋白嘅營養，除咗幫皮膚鎖水、保持彈滑細嫩，
如果狗狗已經因為𢯎痕令皮膚受損、發炎，膠原蛋白就可以幫傷口癒合，可謂狗狗皮膚保養不可或缺嘅重要營養！

然而現時膠原種類咁多，要點揀先好呢？相較豬腳、雞爪等來源，一般會更建議補充「魚」膠原蛋白。
因為由魚皮或魚鱗萃取到嘅膠原分子量比較小，狗狗身體會更容易吸收，而且魚膠原汙染亦較少，
所以當狗爸媽要幫愛犬揀膠原蛋白保健品時，記得要特別注意膠原蛋白嘅來源。

狗狗甩毛、稀疏禿髮，需要補卵磷脂

有養寵物嘅狗爸媽應該都聽過食卵磷脂有助生毛，因為佢係毛髮生長嘅重要營養來源，可以強化毛囊令毛髮更強韌，
所以想狗狗有蓬鬆茂密毛量就要補卵磷脂啦！但卵磷脂來源咁多，又大豆又雞蛋，要點揀好呢？

為咗幫狗狗養出健康髮量，建議相比一般雞蛋，鱉蛋嘅卵磷脂含量比雞蛋多出400倍，
而且膽固醇則只有雞蛋嘅五分之一，促進狗狗生毛之餘，亦唔驚對狗狗身體造成多餘負擔。

狗狗體味重、容易過敏，需要補皮膚專科益生菌

狗狗身體同人類一樣有大量微生物，不論腸胃、肌膚等都有，
而補充皮膚益生菌就可以阻絕有害微生物入侵，減少過敏，從而加強狗狗皮膚嘅防禦力。
另外狗狗體味重好多時係因為油脂分泌旺盛，皮膚益生菌就可以籍由調整狗狗體質，從而改善分泌問題。

然而益生菌咁多，食邊款先岩呢？
八合一益生菌配上靈芝多糖就可以達到雙贏效果，建立健康膚質，
阻絕壞菌引起嘅發炎反應，迅速增進狗狗嘅皮膚抵抗力，減少皮膚生病機率。

狗狗毛色乾燥、無光澤，需要補Omega-3

Omega-3 可以滋潤狗狗皮膚，促進毛囊健康，減少乾燥甩皮問題，令毛質更柔順。
同時 Omega-3 具抗發炎特性，當狗狗因過敏、感染等而發炎時，
Omega-3可以緩解炎症不適，減少狗狗因𢯎痕而導致皮膚受損嘅機率。

Omega-3本身亦係狗狗身體必需嘅脂肪酸，需要透過飲食先攝取到。
想狗狗毛髮維持亮麗光澤，Omega-3絕對係唔不可或缺嘅功臣。

有啲狗爸媽可能會問平時就有餵開愛犬食魚油，仲洗唔洗再補充咁多野，有冇得淨係揀少少，唔洗全部食晒？
其實魚油保養只能算係最基本中嘅基本，而且魚油屬於大範圍保健，唔係淨針對狗狗嘅皮毛問題，
雖然魚油可以滋潤皮膚，但對促進生毛只係間接作用。

如果想同時針對皮毛做保養，會建議補齊以上四種成分，魚膠原蛋白、卵磷脂、皮膚專科益生菌、Omega-3。
雖然睇落好似好多，但其實宜家已經有好多保健品係有齊多種護膚毛成分，
只要搵得岩一樣可以好方便咁幫狗狗維持到皮膚靚毛髮順。

尤其如果你屋企嘅狗狗係西施、鬥牛、貴賓、長毛、沙皮、黃金獵犬等，
呢啲犬種更容易患皮膚病，所以狗爸媽要多注意啊！

之前我比屋企博美試過幾款狗狗皮毛保健產品，再加埋其他狗爸媽同我分享過嘅產品資訊，有興趣嘅家長不妨參考下。

網路6款【狗狗皮毛保健】推薦品牌

犬風味：美毛皮膚保健粉

感想：本來就有買過犬風味嘅雞肉曲奇比我屋企嘅博美食，所以見佢有出狗狗毛皮保健粉就買嚟試下，
試過一個月愛犬皮膚過敏問題仍然會翻發，不過有稍為變得無咁嚴重，而生毛部分就見唔到咩特別變化。

睇返成分表，其實唔係好確定佢有邊啲維他命，Omega-3同卵磷脂嘅含量亦無表示得好清楚，
雖然加入糧入面狗狗都唔肯食，但因為始終罐裝要自己計份量，而且都驚受潮問題，所以試過一次就無再買。

HOLY CAP：菇菌素毛皮保健

感想：一開始係見愛護動物協會嘅網有賣，包裝好得意就買黎試。
食過一排愛犬仍然會因為皮膚唔舒服而不斷𢯎痕，不過吸塵個時我係覺得佢有甩少左啲毛，整體睇唔到好大改善。
呢款亦係我買過嘅狗狗膚毛保健入面，平均除返開價錢最貴嘅，可惜對我屋企博美幫助唔大，所以之後都無再買過。

位您寵：皮膚及毛髮配方

感想：位您寵係位元堂旗下嘅品牌，聽到個朵就已經覺得可以試，點知我屋企博美非常抗拒唔肯食，
唔知係因為膠囊問題定有輕微中藥味嘅問題，每次一拎出嚟佢就走，捉都捉唔住。

後嚟送左比同事，同事係話佢隻柴犬食完啲毛有變順到，而且換季時都甩少左毛，不過皮膚有冇變好同事就答唔出，如果屋企狗狗係好乖嘅或者不防一試。

Furluv樂球：佳犬膚毛美

感想：係一個松鼠狗既whatsapp群見人推薦話試過後，佢隻博美啲皮膚滑左，毛又順左，心諗係咪真係咁有用就買左盒試。
個時我屋企嘅博美過敏岩岩好返無耐，側腹同耳仔附近皮膚都變得好薄弱，毛髮又稀疏，
試左一個月後，過敏問題無翻發，而且真係陸續有見到啲細毛生返出嚟，所以之後都有繼續買嚟食，
宜家本來禿嘅部位已經好得七七八八。

加上獨立包裝避免受潮問題，倒落糧入面或者直接食都得，好方便值得推薦。

timeplus+：犬隻能量豆皮膚毛髮營養配方

感想：呢隻係我係網上搵狗狗保健時見到嘅，見都有用家分享就買嚟試。
粒豆細細粒，唔覺唔覺就會食左，不過食左一個月，愛犬皮膚一樣會過敏，不過𢯎痕就𢯎少左，所以應該係有啲幫助，
但生毛效果上就比較唔明顯，而且因為見佢油脂都算添加得多，
而我本來就有買開寵物魚油，感覺好似唔需要補咁多油，所以後嚟就停左。

木入森：犬寶膚立好

感想：有時會見到呢隻牌子嘅廣告，一開始都有諗住要試，但認真睇過成分，主要功效係保水護膚為主，對生毛作用唔大，如果想養毛量，呢款嘅幫助可能會比較弱。而且因為成分有含薑黃，如果係腸胃比較差、腎臟不佳或者有膽石嘅狗狗就唔建議補充。好嘅係膠囊可以防潮，特別係香港成日都咁潮濕，膠囊設計值得一讚，不過如果屋企愛犬比較百厭，餵起嚟可能就要比較花功夫。

一表盡覽各款狗狗膚毛保健品優缺點

品牌	犬風味	Holy Cap	位元堂	Furluv樂球	timeplus+	木入森
產品
膠原蛋白	✘	✘	✘	✔	✘	✔
卵磷脂 (來源：鱉蛋粉)	✘	✘	✘	✔	✘	✘
皮膚益生菌	✘	✘	✘	✔	✘	✘
Omega-3	✔	✔	✔	✔	✔	✔
包裝	罐裝	罐裝	膠囊	粉包	方塊狀	膠囊
產地	香港	紐西蘭	香港	台灣	美國	台灣
數量	90g	60g	30粒	30包	120粒	60粒
價錢	HKD128	HKD280	HKD120	HKD189	HKD360	HKD257
每日價格	HKD4	HKD9	HKD8	HKD6	HKD6	HKD8
推薦指數	★★☆☆☆	★☆☆☆☆	★★★☆☆	★★★★★	★★☆☆☆	★☆☆☆☆

結論

狗狗嘅皮膚同毛髮生長息息相關，皮膚照顧好，毛髮自然由內而外散發光澤，
所以最好同時兩邊一齊保養，咁先可以幫狗狗膚毛保持最健康狀態。

過敏始終係造成狗狗皮膚問題嘅常見原因之一，香港氣候又特別容易引起過敏，
而狗狗異位性皮膚炎同其他皮膚病一樣，一旦病過就好難斷尾，飼主需要特別多耐性去照顧。
除左藥物治療，狗爸媽亦可以試由飲食調整、環境清潔、使用保健品增強皮膚屏障等，從每個小地方累積改善問題。

係試過咁多款產品後，Furluv樂球佳犬膚毛美最能滿足到我屋企博美嘅需求。
開始補充後，唔再好似以前咁皮膚反覆感染，而且毛量變得更蓬鬆順滑，
唔只淨係照顧到表層毛髮，連底層皮膚健康一樣都照顧得好好。

而且食落口嘅嘢安全最緊要，Furluv樂球佳犬膚毛美有通過 SGS 安全檢驗，確保唔會有西藥或者有害物質，作為主人都更安心。
有興趣嘅狗爸媽除左可以去Furluv樂球官網購買外，宜家HKTVmall都買得到好方便！

Furluv樂球佳犬膚毛美 Click呢度買