▲ 2025更新｜Top5暢銷寵物情緒保健品，及早發現貓狗情緒問題好重要！

三個月前因為工作關係，全家由荃灣搬咗去跑馬地，本來擔心小朋友會好難適應，結果小朋友無咩事，
反而係屋企兩位主子一直不安焦慮，每日一放工就即刻衝返屋企想儘量陪下佢地，幫佢地快啲適應新環境，
阿女都好乖成日都會攬攬安慰佢地。

屋企兩位主子一隻叫雪糕，係短腿柯基，另一隻叫冬甩，係英國短毛貓。
雪糕一搬到新屋就變得好黐身，而且每次一見我地出門就會開始不斷吠，一秒都唔想分開咁。
而冬甩則相反，一直匿係一個角落唔肯出黎，唯有食飯或者去廁所會出一出黎，其他時候又會匿返埋角落頭。
本來搬完頭兩、三日已經專登留時間係屋企陪佢地適應下，但情況一直無好轉，所以就上討論區睇下有咩計。

其實無論貓咪定狗狗都同人一樣有豐富嘅情緒，所以自然亦會有機會患上情緒病。

寵物情緒問題好多時係由壓力導致，例如噪音、睇醫生、出街、搬屋等都有機會令愛寵緊張不安，
好似今次我地搬屋，因為巨大嘅環境轉變，令雪糕同冬甩無所適從，而開始出現焦慮嘅行為。
唔好以為淨係行為異常，問題影響不大，長期嘅精神壓力唔只影響情緒，仲會影響貓咪狗狗嘅身體，
令佢地免疫力下降，從而增加生病感染嘅風險！

一開始見到雪糕同冬甩失晒常態真係好擔心，好彩後黎發現宜家有啲安撫寵物情緒嘅保健品，
認真研究過同試過後，雪糕宜家嘅情緒已經同搬屋前無咩分別好穩定，
而冬甩雖然未算係100%恢復正常，但基本都已經好返九成，見佢地宜家可以好好食飯，便便都靚仔，我個人先終於安心返啲。

不過係我研究貓咪狗狗嘅情緒問題同相關保健時，呢個話題係香港好似未係咁常見，
所以我就決定整理一下今次嘅心得，希望可以幫到同我一樣擔心屋企寵物情緒問題嘅主人們。

5個最常見的【貓狗焦慮行為】

1. 亂大小異便，有機會係壓力大
2. 不斷吠坐唔定，有機會係緊張
3. 過度理毛禿一塊，有機會係焦慮
4. 精神不振無胃口，有機會係傷心難過
5. 經常匿埋，甚至破壞家私，有機會係害怕不安

貓咪常見嘅焦慮行為之一「過度理毛」，間接導致身體局部甩毛、甚至禿一塊。
由於貓咪本身愛乾淨嘅性格，所以本來就會成日幫自己洗臉、舔毛，因此主人會好容易忽略貓咪可能係緊張焦慮！

好似我地屋企冬甩本身就係容易緊張嘅英短，記得以前我不過係剪左個新髮型，佢就炸毛左半日，
宜家睇返先發現，對容易緊張嘅貓咪黎講，安撫情緒就變得非常重要

而狗狗同貓咪比較唔同，成日都好開心咁，但其實分離焦慮係狗狗身上好常見。
尤其狗狗本身就係特別需要人陪伴，佢地同貓唔一樣，貓會自己搵樂趣，有時仲會唔想理我地呢啲奴才。

但只要人一出門，狗狗就會一直係門口等，香港居住環境又細，佢係屋企完全冇活動空間。
導致一分開狗狗就會焦慮，跟住就好似BB咁，主人一離開身邊就不斷亂吠。
不過問題唔係解決唔到嘅，建議主人不防幫愛寵做減敏同籠內訓練，另外再準備啲舒壓玩具同零食，幫狗狗習慣獨處。

貓狗出現焦慮行為，雖然可以靠睇醫生同食藥緩解問題，但始終係一時救急用，
而且做主人嘅為咗愛寵身體著想，始終都唔會想佢地食太多藥。

所以如果想貓咪狗狗身心健康，主要都係要有多啲耐性，花多啲時間陪佢地玩玩具、出街散步等，
之後再搭配情緒保健，從根本解決貓咪狗狗容易焦慮不安嘅情緒問題。

貓狗情緒靠「吃」改善？常見的寵物情緒保養成分

L-茶胺酸

茶胺酸係一種可以係綠茶中搵到嘅獨特胺基酸，只占茶葉1~2%，所以非常珍貴，
佢主要功效係減輕貓咪狗狗壓力、舒緩焦慮、幫助入睡等。

成分經研究證實，寵物持續4週補充茶胺酸，可以減少焦躁症狀，而且主人平均滿意度高達94.4%！不過要留意返茶胺酸來源，由於天然萃取之珍貴程度，所以有一些茶胺酸嘅製成係以模仿綠茶葉嘅自然過程產出，成分可能會比較唔穩定同有雜質。

洋甘菊

洋甘菊主要功效係幫助入睡同穩定情緒，其成分具鎮靜作用，對容易緊張嘅寵物，起到安撫效果。
而且對有分離焦慮或者夜間活躍嘅寵物都有效，可以改善佢地嘅睡眠品質。

除咗主要舒暢情緒外，洋甘菊亦可以緩解寵物腸胃不適嘅問題，對於長期焦慮而無胃口嘅貓狗黎講係好有益嘅成分。

GABA

GABA係抑制神經傳導嘅胺基酸，當貓狗體內GABA濃度不足時，神經傳送嘅訊號會被放大，從而引發焦慮，
補充返缺乏嘅GABA就可以幫貓狗減緩焦慮同放鬆身體，而且亦更好入睡。

GABA其實同茶胺酸好類似，不過GABA較容易被阻絕於血腦屏障外，令成分無辨法被吸收，
而茶胺酸則可以直接穿過血腦屏障，舒壓效果比較明顯。

色胺酸

色胺酸係一種身體無法自行合成嘅營養，必須要靠飲食補充，可以穩定情緒、幫助入睡，
常見嘅色胺酸食物有：牛奶、乳製品等，

但如果貓狗腸胃比較敏感或者有乳糖不耐症，就可以考慮補充水解乳清蛋白代替。

SAMe

SAMe係體內常見嘅一種胺基酸，有助增加身體血清素周轉同增強多巴胺分泌，
從而促進好心情，對抑制憂鬱效果顯著，所以不少寵物保健品牌都會添加SAMe以舒緩寵物緊張情緒。

不過SAMe同其他安撫情緒嘅成分一齊使用時有機會產生交互作用，令各個成分無辨法發揮到最佳效果，
所以有時安撫情緒嘅成分加得多唔代表一定更有效，反而仲互相影響。

5大【寵物情緒保健品】暢銷品牌

汪喵星球－情緒好放鬆保養粉

📝心得：個人其實唔係好鍾意無獨立包裝嘅產品，始終香港成日都好濕，罐裝容易受潮，
而且份量每次都要自己量，唔係咁便。不過見呢款好似有唔少人買，而且有多種安撫情緒嘅成分所以就試下，
但撈入糧畀雪糕同冬甩食兩個幾禮拜都唔見有特別改善，頂多係雪糕少吠咗。

Furluv樂球－樂紓壓

📝心得：同事本身有養一隻成日都好驚青嘅貓咪，小小聲都會嚇到匿埋，好驚陌生人，
不過後黎補左呢款舒壓保健之後就無咁易嚇親，宜家甚至帶佢返公司都OK。

所以我自己又買一盒試，先畀雪糕試三個禮拜已經明顯有改善，見到我要出門個時唔會再亂吠亦無再咁黐身，
唔分開得有分離焦慮咁。後黎再買多盒畀冬甩食，冬甩終於肯係屋企周圍走動，
到宜家甚至會反肚瞓覺，見到佢地放鬆嘅樣，做主人嘅終於可以放心返。

益喜氏 – 快樂奇毛子

📝心得：一開始我係想搵腸胃健康嘅益生菌畀屋企兩位主子，點知網絡推薦左呢款畀我，
可以幫寵物消除壓力嘅益生菌，價錢都唔平，但見有獸醫師推薦所以就買左盒試。

然而好可惜嘅係佢係膠囊狀，每次一見到我拎個盒出黎，雪糕同冬甩兩隻就即跑，誓死抵抗唔願食…
最後只好送咗畀另一位狗主，對方試完講返係話食完無特別唔同，不過都有機會係試得一盒所以效果唔明顯。

巴哈 – 寵物情緒急救舒壓滴劑

📝心得：搬屋個時朋友送嘅，說明係建議加落水直接飲，不過屋企兩位貓咪狗狗都對味道好敏感，
所以我試左滴落罐頭，不過佢地一樣唔願食。之後見有人話可以稀釋之後加入噴壺，噴係寵物經常活動嘅地方，
所以就試過呢個方法，冬甩噴完無咩反應，但雪糕噴完反而會亂吠。最後只能將佢打入冷宮。

怪獸部落 – OK! 好心情

📝心得：一開始見個包裝好得意就買盒試，配方有多種舒緩貓咪狗狗壓力嘅成分，
加入濕糧餵畀冬甩試先，冬甩願意食，不過初頭食完一樣匿返埋角落，食完一盒後佢有時會出廳，但跟住又好快返入房，
後黎冬甩換左同雪糕食同一款嘅舒壓寵物保健，所以就無再買呢款。

如果再試耐啲，效果可能會明顯啲，不過佢成分含益生菌，因為益生菌一旦失去活性就會無效，
所以要小心保存，環境準備比較麻煩。

整咗個懶人表格快速比較5隻產品：

品牌	汪喵星球	Furluv樂球	益喜氏	巴哈	怪獸部落
產品
主成分	L-茶胺酸	L-茶胺酸	PS128益生菌	花精混合物	色胺酸 茶胺酸
茶胺酸來源	模仿綠茶葉生成	天然綠茶萃取	✘	✘	無標示
第三方檢測	無標示	✔	無標示	無標示	無標示
產地	台灣	台灣	台灣	英國	台灣
劑型包裝	罐裝	粉包	膠囊	液態滴管	粉包
數量	30g	30包	20粒	20ml	30包
價錢	HKD145	HKD125	HKD180	HKD209	HKD126
每日價格	HKD5	HKD4	HKD9	HKD6	HKD4
推薦指數	★★★☆☆	★★★★★	★★☆☆☆	★★☆☆☆	★★★☆☆

結論

綜合多次嘗試，我自己最推薦係 Furluv 樂紓壓，獨立包裝、成份天然、價錢實惠，
而且最重要係真係有效，屋企兩位主子情緒穩定返比咩都重要！

後黎我再認真研究過 Furluv 樂紓壓，除左有獸醫推薦，產品亦有通過SGS安全檢驗合格，令主人更安心。
我自己係買粉包，但之後我仲見佢有膠囊版，因為粉包有紐西蘭全脂奶粉，含乳糖成分，
貓咪狗狗腸胃敏感或者有乳糖不耐問題嘅比較唔適合補充。

而膠囊版就用左水解乳清蛋白代替奶粉嘅營養，有乳糖不耐症都食得，
如果家中寵物同雪糕冬甩一樣唔鍾意食膠囊嘅，呢款膠囊係可以打開只食入面啲粉，好方便餵食。

如果屋企愛寵容易焦慮或者對環境改變好敏感，不防試下補充保健品，畀愛寵一個安心放鬆嘅生活~
我係HKTVmall落單，由台灣直送但都好快就到，前日訂今日就到貨，有興趣嘅主人唔好錯過！

Click入黎睇下 Furluv 樂球寵物保健