【市售 5 款魚油丸實測】Omega-3有咩好處，要點揀?膽固醇過高、心血管保養要點食?

講到養生，香港人好多時第一反應就係諗到魚油。

魚油顧名思義就係從魚身上萃取出黎嘅油脂，而魚油中最重要嘅成分就係我地成日聽到嘅Omega-3。
Omega-3可有助身體新陳代謝、促進腦部運作、提升專注力、減低心血管疾病等，因其好處之多而被稱之為好油。

然而雖然是好油，但亦唔見得食得多就代表好，
加上現時市面上魚油嘅品項選擇極多，到底點樣先算係食得岩？食得好？今日就同大家一一拆解！

魚油有咩好處？

魚油成分中最重要嘅Omega-3，由EPA與DHA組成。

EPA可以有效降血脂、活化血管細胞、加速膽固醇代謝、抑制血管收縮，從而減低中風或心臟衰竭嘅風險。
而且EPA甚至可以幫助維持好心情，舒緩焦慮情緒。
同時DHA則可有助調理體質、促進腦部神經運作、保護眼睛抵抗強光、提升專注力、增強記憶力等。

由於人體無法自行製造Omega-3，必須靠飲食去吸收，
然而現代人生活繁忙，難以嚴謹咁控制飲食，所以服用魚油就成為最直接有效吸收Omega-3嘅方法。

而且針對現代人飲食習慣問題，建議可以選擇EPA含量更高嘅魚油，
以60：20的黃金比例，更能有效調節身體機能，尤其喺對長輩嘅心血管保養非常重要。

點解市面上嘅魚油差價會咁大？

唔知大家有冇留意到市場上有啲魚油又平又大粒，但有啲就細粒又唔平，就咁睇硬喺要揀抵嘅。

但其實魚油唔可以淨睇量，仲要睇埋純度同鮮度先岩，當純度同鮮度越好，自然價錢亦會越貴，
所以唔好用大件夾抵食嘅心態去揀魚油。

首先要知純度就要睇粒魚油嘅Omega-3佔比喺幾多，食得魚油最主要就喺為咗啲Omega-3，
最理想嘅比例會喺80％以上，確保成粒魚油大部分都喺Omega-3，而唔喺其他雜質油。

有啲魚油雖然大粒，但Omega-3純度得30％左右，Omega-3含量連半粒都唔夠，
難吞之餘，其他雜質油食多咗反而有機會加重身體負擔，所以真喺要小心睇真啲。

睇完純度最好就喺睇埋鮮度，想知鮮度好唔好，最簡單就喺睇佢有冇IFOS認證。
IFOS係現時世上最嚴格嘅魚油認證機構，會驗證魚油嘅新鮮度、成分比例、雜質含量等，要求比WHO仲要要嚴格。
不過申請得過認證，自然成本又會提高，所以價錢就會貴少少，但見到有IFOS認證就代表喺高質魚油，絕對食得過！

魚油要食幾多先有效？

既然魚油有咁多好處，當然要食盡佢？咁又未必，凡事都要講求適量！
當魚油食用過量，將有機會引致胃部不適、口臭、腹瀉、心律不正等不良反應，
因此一般會建議每日Omega-3不應攝取多於2000mg，成人一天補充500mg已經滿足日常所需。
需要加強保養嘅人每日可以補充1000mg-1500mg左右。

同時現在市面上有非常多不同嘅魚油品牌，有啲雖然標榜自己一粒就含1000mg，
但如果仔細睇就會發現1000mg裡面參雜咗其他無關嘅油分，實質Omega-3含量非常之少，咁就真係食再多都無用！

好魚油要點揀？

• 魚油純度
• 魚油型態
• 魚油包裝

魚油純度

正如上面所講，市售嘅魚油有不少其實參雜咗雜油，當雜質越多亦代表Omega-3純度越低，
除咗無效仲有機會對身體造成負擔，建議購買魚油時，要選擇濃度達80%以上嘅優質油。

如果產品無標示亦可以睇成分表自己計算，
例如今日有一個產品標示它魚油總分量是1250mg、EPA是700mg、DHA是300mg，(700＋300)/1250=0.8，
則代表一粒魚油有80％都是Omega-3，屬於品質高嘅魚油。

魚油型態

魚油主要分為EE、TG、rTG三種型態，不同型態會影響身體嘅吸收率。

EE型態嘅吸收率約73%，TG型態吸收率可達100%，而rTG型態則可高達124%吸收率。
rTG 型態嘅魚油擁有高濃度、高吸收率兩大特色，因此建議選擇rTG型態嘅魚油，保健效果會更佳。
rTG 型嘅魚油吸收率高，食落肚大部分都可以吸收，只要純度夠高，就唔需要做到太大粒都可以有足夠營養。
但比較傳統嘅TG型魚油吸收率就會冇咁高，需要做到比較大粒，先會夠成人一日所需要嘅Omega-3含量。

魚油包裝、適口性

由於油脂容易氧化、腐敗，一旦魚油變質，營養價值流失，咁就食再多都無效。
因此建議購買相關產品時，要選擇包裝係可以隔絕外在空氣同陽光嘅設計，
最好係有獨立包裝，畢竟香港濕氣重，獨立包裝對防潮可以達到更佳效果。

另外就係魚油丸嘅大細，咁啱我有買過2款差別比較大嘅，(下圖)左邊喺BHK’s rTG型嘅魚油，比較細粒，好容易吞，
另外一款係市面上比較多嘅TG型，真喺有D太大粒。連我呢個中年人都吞唔太到，更何況老人家。

如果喺買比家中老人家食嘅，就建議買揀產品嘅時候都要睇下魚油丸嘅大細。

以上資料係我試過多款魚油後整理出嚟，依家就俾大家睇埋我一開始盲舂舂咁試咗5款魚油後嘅心得，
供大家以後買魚油時可以做個參考。

實測5款市售魚油心得

BLACKMORES – 無腥味魚油1000

試用心得：有啲大粒難吞，屋企嘅老人家有啲抗拒，最後由我自己食返，連我都要飲好多水先吞到，而且價錢亦唔係平，後尾就冇再買。
推薦指數：★☆☆☆☆

Jamieson – 三文魚油丸

試用心得：食咗一個月對眼無咁乾，但有少少腥，不過勝在價錢夠平。想補安心嘅話算OK，但我係食完一樽就算，冇再買過。
推薦指數：★★☆☆☆

BHK’s – 88% Omega-3 頂級魚油

試用心得：自己本身有濕疹問題，食咗一個月feel到無咁易發。唔大粒老人家都可以輕鬆吞到，佢地食咗3個月，後嚟去做驗膽固醇真喺有降到。而且呢隻有IFOS五星認證，味道亦喺咁多隻入面最唔明顯，依家已經入第三次貨，值得一試！
推薦指數：★★★★★

澳至尊 – 深海魚油丸

試用心得：同事食開澳至尊嘅魚油，好奇之下自己又買嚟試。一買就要買成一大樽，又唔係獨立包裝，大粒難吞之餘，食到後面有啲會黏埋一齊，試過一次就夠。
推薦指數：★☆☆☆☆

七海健絡 – Omega 3

試用心得：七海健絡成日都聽人講，有次屋企人就買左返黎試，老人家話食完關節冇咁痛，不過濃度、EPA、DHA都冇明確標示，價錢唔係話平，後嚟亦唔見佢地有再買。
推薦指數：★★★☆☆

5 款魚油一覽表

品牌	BLACKMORES	Jamieson	BHK’s	澳至尊	七海健絡
產品
Omega-3含量(粒)	300mg	300mg	484mg	300mg	600mg
魚油純度(粒)	30％	30％	88％	30％	60％
魚油型態	TG	無明確標示	rTG	無明確標示	無明確標示
獨立包裝	✘	✘	✔	✘	✔
IFOS五星認證	✘	✘	✔	✘	✘
淨化提煉	✔	✔	✔	✘	✔
Solutex大廠魚油	✘	✘	✔	✘	✘
海洋友善	✘	✘	✔	✘	✔
產地	澳洲	加拿大	台灣	澳洲	英國
數量	90粒	210粒	60粒	550粒	60粒
用量	3粒/日	3粒/日	1-2粒/日	3粒/日	2粒/日
價錢	HKD$289	HKD$275	HKD$316	HKD$1,390	HKD$299
每日價錢	HKD$9.6	HKD$3.9	HKD$5.3	HKD$7.5	HKD$9.9
推薦指數	★☆☆☆☆	★★☆☆☆	★★★★★	★☆☆☆☆	★★★☆☆

註：以上評比為個人主觀體驗，無法代表所有消費者的立場，相關資訊皆參考官方網站，若有出入，以品牌官網最新資訊為主。

結論

其實一開始會研究魚油係因為覺得自己都差唔多年紀要開始保健，加上屋企長輩身體檢查又膽固醇偏高，以前都冇注意要提早保養。為咗佢地嘅健康，我就開始研究魚油丸，索性先試下有好多人討論嘅魚油先。以為只要喺魚油就會有用，後尾見到BHK’s有一盒寫住88%高濃度，我先知要睇濃度。後尾去問佢地客服，仲同我介紹呢隻喺rTG型，身體最好吸收嘅型態。我又去做咗更多資料搜集，發現市面上大部分都冇標示，或者喺用傳統嘅TG型，吸收率就會冇咁好。

誤打誤撞搵到BHK’s嘅88% Omega-3頂級魚油，佢嘅EPA：DHA係最好嘅黃金比例60：20 。佢地個網站將所有成份同來源都寫得好清楚，又有好多國際認證同檢驗，食得放心啲。要長期食落肚嘅嘢，真係要認真揀過！最明顯就喺老人家食咗3個月，再去做檢查膽固醇有降低咗，雖然仲未去到正常水平，但醫生都話繼續維持落去就唔會有太大問題。

由於我本身唔好食魚，可以吸收Omega-3嘅機會就唔多，魚油補充就變得好方便。之前要係BHK’s嘅官網落單，但最近發現佢地連HKTVmall都有上架，方便好多！如果想幫自己同長輩照顧健康，可以試吓BHK’s 88% Omega-3 ！

㩒呢度就可以買到➟ 88% Omega-3頂級魚油